嘆甜品

Open Now

Now Closed

想試好耐，同朋友點到成枱嘢食，價錢都唔貴，份量亦唔少，性價比好高。🧇宇治抹茶拼烏龍茶麻糬窩夫 (屯門店限定) $70窩夫外層香脆，內層有陣陣茶香，同埋帶些煙韌嘅麻糬，口感對比吸引。🍵抹茶帶甘香，烏龍茶味道就唔太突出，整體甜而不膩。加上紅豆、雪糕、忌廉，十分足料，性價比幾高！😋2pm-7pm會有下午茶餐，甜品加飲品。🍫心太軟配雪糕 $48☕️拿鐵咖啡 +$5心太軟非常出色，外脆內軟，溫度控制得剛剛好，見到內餡有滿滿朱古力流心🤎，真係十分療癒😍朱古力濃郁香甜，雪糕綿厚，幾重牛奶味，整體整得好到位，令人滿足👍🏻本身係甜品店點咖啡☕️就無咩期望，起碼感受到店員有努力🙈建議點返茶或者其他特飲。🍢小食拼盤 (炸燒賣、鹽酥雞粒、雞軟骨、薯條) $56每一款小食都炸得香酥，好好食🤭！鹽酥雞粒外脆內嫩，雞軟骨鹹香可口，炸燒賣彈牙帶些咬口。份量唔少，好啱同朋友分享。🍠脆Q地瓜球 $28外脆內Q軟，地瓜內餡甜甜地，有點煙韌咬口，相對味道較清淡。🍹嘆•綜合水果茶 $36充滿各種水果香氣，茶底清香，帶陣陣水果酸甜，配甜品幾解膩清新。