忠記咖啡屋‧私房菜 (Closed)

每年做節都係一個難題，食物要有新意，環境又要有創意。食慣左酒樓的菜單，今年我就帶咗屋企人去試一下私房菜。私房菜的特色就係可以為客人度身訂造菜單，唔會食到悶。今次去咗銅鑼灣新開的忠記咖啡屋。環境唔算好華麗，但都幾企理，店員已經一早為我地準備好一個近角落的座位。店內亦開始有唔少節日的裝飾，添左唔少氣氛！五個人，點左五個菜。第一道菜已經吸引到我哋的眼球，經過店員介紹後，就變得更加有趣。八款不同質感同味道的材料放埋一齊，係一種好新鮮的感覺。佢哋仲特意安排左兩款唔同口味的醬汁，我就鍾意溝左Wasabi的芝麻醬，夠晒開胃又刺激。茄汁爆原隻大虎蝦非常有看頭，鐵板送上枱熱辣辣，香氣迫人。虎蝦大大隻好厚肉，質感結實得來亦有蝦的鮮味。呢個咕嚕肉係我食過最好食的咕嚕肉！首先質感很好，無過多的炸粉，而且表面仲有少少脆脆地。味道甜中帶少少酸，好欣賞佢哋加入左少少酸薑，為味道增加左一個層次。呢個睇落似係鴛鴦炒飯，其實係菜底，兩個汁都好好味。壓軸的是菜膽雞，雞肉十分有鮮味，唔會有雪藏的味道。而且質感都幾滑溜，肥瘦適中，媽咪讚不絕口。最後甜品亦甚有驚喜，係薑汁湯圓，正好配合節日同天氣。而裝湯圓的，亦係懷舊的咖啡杯，切