郭仔記車仔麵

Open Now

Now Closed

今日出街做野咁啱經過呢頭，見到呢間食車仔麵既鋪頭都幾大間，裝修好新，而且門口貼出嚟既價錢牌都好平下，所以就入去試下喇！我叫左個招牌麵送飲品$38，凍飲唔使加錢，入面有3個餸，包括魚蛋、牛腩及蘿蔔，牛腩炆得好稔好入味，蘿蔔係非常甜好多水份，食落口一d渣都無，我本身叫左秘制辣汁，有大、中、小辣，我點左小辣 ，所以成碗湯都好惹味，辣味又剛好，枱面有辣菜脯及辣油提供，我加落去碗麵度， 提升左成碗麵既層次。另外我叫左個小食係炸鯪魚球，即叩即炸熱辣辣好正，$29有六大粒好抵食，魚肉彈牙無腥味，真係食唔停口，下次會再幫襯。