全記點心專門店 (Closed)

今日遲左起身，好想飲茶，就去左全記。去到係下午茶時間，都排左一陣隊，但好快就有位。佢安排左我地坐卡位，坐得都好舒服，兩個人坐可以嗌到成檯都係點心，如果4個就未必可以攤開哂啲點心。.2個人嗌左8樣點心，落單後上菜都好快，特別推薦鮮蝦菠菜餃同棉花雞，好好味。雖然啲流沙奶皇唔流沙，但個奶皇整得幾好味，整體黎講性價比都高。佢啲茶係茶包茶，唔同酒樓一壺壺茶葉沖。如果想正宗啲可能要去番酒樓，但呢個價錢，呢啲點心，好抵食，下次會再幫襯，試埋其他點心。