Video
Read full review
2021-01-28
101 views
立鮨終於開到嚟荃灣啦！👏🏻👏🏻👏🏻晌小店臨立嘅大河道見到哩一間裝修咁日本風嘅壽司店份外突出顯眼平日嘅下午嚟到門口已經有唔少人等緊位咁受歡迎搞到我都好想試吓佢龍與鳳😝🔸三文魚籽海膽杯超正嘅前菜Creamy 嘅海膽好鮮甜帶甘 冇腥味配合肥嘟嘟三文魚子咸鮮嘅味道食落好夾 而爽口嘅昆布就令整體口感更豐富🔸吞拿魚腦天壽司 （稀少部位）腦天即是魚嘅頭頂位置好少地方食到食落肉質好柔軟 比一般嘅吞拿魚更滑👍🏻🔸白子小食口感有少少似豆腐花 滑脫脫軟綿綿 唔腥配醬汁食都幾開胃.🔸鮟鱇魚肝小食（推介💜）哩度嘅鮟鱇魚肝入口好綿滑、粉嫩口感非常好 又有甘香味 醬汁酸酸地 食落就會清爽一點我鍾意！🔸本鮪赤身壽司（推介💜）魚嘅色澤好靚 油油亮亮的入口帶甘味 肉質彈牙🔸北海道特大珍寶帶子壽司（推介💜）新鮮又大塊嘅帶子 完全包裹哂成舊飯食落好鮮甜又厚 超滿足！🔸珍寶牡丹蝦壽司（推介💜）大大條嘅牡丹蝦肉質非常爽口彈牙好鮮甜 好好食！🔸活赤背壽司（推介💜）我哋進食途中剛好新鮮運到即刻點嚟食 師傅即開超正！完全冇血腥味！好彈牙！味道甘甜！🔸海膽手卷（推介💜）哩個手卷不得了！成條由頭食到尾都有新鮮嘅海膽而且海膽同醋飯嘅比例係一
立鮨終於開到嚟荃灣啦！👏🏻👏🏻👏🏻晌小店臨立嘅大河道
見到哩一間裝修咁日本風嘅壽司店
份外突出顯眼
平日嘅下午嚟到門口已經有唔少人等緊位
咁受歡迎搞到我都好想試吓佢龍與鳳😝
🔸三文魚籽海膽杯
超正嘅前菜
Creamy 嘅海膽好鮮甜帶甘 冇腥味
配合肥嘟嘟三文魚子咸鮮嘅味道
食落好夾
而爽口嘅昆布就令整體口感更豐富
🔸吞拿魚腦天壽司 （稀少部位）
腦天即是魚嘅頭頂位置
好少地方食到
食落肉質好柔軟 比一般嘅吞拿魚更滑👍🏻
🔸白子小食
口感有少少似豆腐花
滑脫脫軟綿綿 唔腥
配醬汁食都幾開胃
.
🔸鮟鱇魚肝小食（推介💜）
哩度嘅鮟鱇魚肝入口好綿滑、粉嫩
口感非常好 又有甘香味
醬汁酸酸地 食落就會清爽一點
我鍾意！
🔸本鮪赤身壽司（推介💜）
魚嘅色澤好靚 油油亮亮的
入口帶甘味 肉質彈牙
🔸北海道特大珍寶帶子壽司（推介💜）
新鮮又大塊嘅帶子
完全包裹哂成舊飯
食落好鮮甜又厚
超滿足！
🔸珍寶牡丹蝦壽司（推介💜）
大大條嘅牡丹蝦肉質非常爽口彈牙
好鮮甜 好好食！
🔸活赤背壽司（推介💜）
我哋進食途中剛好新鮮運到
即刻點嚟食 師傅即開
超正！完全冇血腥味！
好彈牙！味道甘甜！
🔸海膽手卷（推介💜）
哩個手卷不得了！
成條由頭食到尾都有新鮮嘅海膽
而且海膽同醋飯嘅比例係一比一
好鬼正！
另外仲叫下以嘅壽司🍣：
🔸三文魚壽司
🔸珍寶赤蝦壽司
🔸北海道帶子壽司
🔸珍寶甜蝦壽司
🔸三文魚籽軍艦
.
☑️哩度嘅食物好新鮮，即叫即整，性價比都好高，我哋全部都係散叫，唔嗌餐，埋單加一都係$700左右，抵食！
Post
