真台客 (Closed)

“鹽酥雞便當”($50)“香腸魯肉便當”($50)“黑糖珍珠鮮奶”($28)“蘋果西打”($15) 之前去開荃灣路德圍嗰邊食嘢都會見到呢間台式餐廳人頭湧湧今次趁住時間仲早餐廳仲有位即刻入去試試先😛呢間餐廳嘢食價錢十分實惠😍一個台灣便當大約都係$50-$60仲要係大大碗架😝 我就叫咗個鹽酥雞便當🐔碗飯面頭舖滿咗鹽酥雞😍好似仲多過啲飯咁🤣跟飯仲配有菜脯,椰菜,滷蛋同滷豆腐☺鹽酥雞食落十分香脆😋肉質仲幾嫩添☺ 男朋友就叫咗香腸魯肉便當😆台灣腸煎到面頭微脆,食落香口但唔會好油🤩呢道啲魯肉切成長條型,肥瘦均勻☺而且份量好多,撈哂成碗飯都夠😛跟飯都係會配有菜脯,椰菜,滷蛋同滷豆腐☺ 飲品方面叫咗蘋果西打🍎去親台灣旅行都係必飲!個味道真係好懷念🥺另一杯就要咗黑糖珍珠鮮奶🥰雖然睇落好似冇咩黑糖咁但飲落口又幾香☺珍珠質地夠q彈好好咬口😝 呢間餐廳仲有一樣好佛心嘅地方😍就係可以任飲凍嘅冬瓜茶同熱嘅麥香紅茶😍咁抵食嘅餐廳唔怪得咁多食客支持啦🥰