品記鮮粉人家私房菜館

Open Now

Now Closed

自屯馬線開通之後真係多左嚟呢邊搵食。今日就嚟試下呢間品記，係朋友推介。我地比較早到，大約六點就入座。首先點左個香辣烤魚煲。魚係選用左原條海鱸魚。魚肉質地食落爽彈鮮甜，魚味十足，另外配料勁足，如圖所示，有芫荽，蔥，洋蔥同埋大量辣椒。岩晒好辣嘅我，而且配料亦唔會蓋過鱸魚本身嘅鮮味。然後點左個白灼三鮮，包括豬粉腸，鵝腸同黑柏葉。出街食內臟大忌就係洗唔乾淨。呢到就唔會有呢個問題。三種食材食落都夠爽夠彈。唔會粉住個口。炸大腸，外皮炸到夠脆，然而又有淡淡嘅羶香。值得一讚嘅地方係真係洗得夠乾淨。最後嚟多個絕味雞腳，好好食。我地啜腳趾啜到無晒肉都繼續啜😂最後發現原來7:30前埋單仲有88折。而且地點方便。而家仲可以透過whatsapp訂座。咁就唔洗擔心摸門釘啦。