逸 壽司 (Closed)

最近冇得去日本旅行，就喺香港搵吓啲日本料理食，平時食omakase起碼人均都要$2000，好肉赤🥲 於是今日就比我搵到個平民價錢，但係幾千蚊質素嘅日式料理🥳❤️‍🔥 係平民版既omakase，但係質素依然係咁高質，刺身同埋壽司超級新鮮🫡餐廳位於尖沙咀天星大廈地下，地理位置好方便，同朋友行完尖沙咀過嚟最後一舊就啱啱好，餐廳有好多個set推介，廚師就推介左依個特尚壽司盛俾我🙆🏻‍♀️ 價錢係$268壽司種類好齊全同埋多元化，包括吞拿魚腩、深海池魚、油甘魚、真鯛、牡丹蝦、海膽、三文魚子❤️‍🔥每一件嘅壽司都好高質，唔會好似連鎖咁用機器整舊飯，而係有廚師親手搓👨🏻‍🍳我最推介嘅係吞拿魚腩同埋油甘魚，脂肪同埋肉質嘅比例啱啱好，一食入口魚香味好濃好出💓仲有前菜係牛肉粒同埋辣魷魚🦑都係非常鮮甜高質🥳