SAVVY

Savvy係Macro Polo酒店旗下新開嘅餐廳，慶祝朋友升職加薪，所以揀間高級少少，又未試過嘅餐廳。Savvy座位寬闊，因為冇訂位，所以可以Walk in有位都幾幸運～價錢方面成人$268 加一，小童$168加一，包一杯茶/咖啡，加$20可以有甜品。建議大家一坐低就點咗個主菜先，因為上菜時間到偏慢，等候嘅時候，就可以出去拎啲前菜、冷盤，包括各式各樣嘅沙律，是日餐湯，火腿，青口，煙三文魚等食物～種類當然比其他酒店buffet選擇少，但Semi buffet黎講都唔錯。主菜建議大家點選咖喱，因為擺放精緻，咖喱味十分之香濃，羊肉味又唔會太勁，不過如果有多種肉類選擇，會比較好。份量十足，一個女仔食跟本食唔哂，奉勸大家前菜唔好食咁多。個餐有一塊薄餅、印度炒飯、咖喱角等等睇埋朋友點嗰個香辣帶子炒麵，你就會明白，睇吓份量幾驚人，跟本夠2個人食。炒面鑊氣十足， 10分有水準。最後點左個賣相10分精美嘅檸檬蛋糕，酸酸甜甜，配杯咖啡，消消滯。如果大家希望慶祝朋友生日或一啲節日嘅慶祝，不妨可以嚟呢間餐廳試吓，始終屬於酒店嘅餐廳，服務態度都10分好，環境亦唔錯。