快樂小羊火鍋料理 (大鴻輝(荃灣)中心) (Closed)

今晚去快樂小羊打邊爐，女朋友本身唔食牛，所以順理成章就揀選最經濟嘅A餐喇，肉類選擇雖然係少啲，但係上枱形狀同質素都唔差🤭而且出面吧枱仲有好多自助食物可以夾，蔬菜🥬丸類、水魷豬紅、牛柏葉豬皮、烏冬米粉同埋公仔麵、而且擺位感覺新鮮整齊乾淨，仲有熟食小食生果。飲品種類多元化，果汁汽水仲有果茶，最後仲有每人一個雪糕球。兩個女仔本身唔係食好多嘢嘅人，所以已經飽到捧住個肚，埋單連埋加一都係$414真係超級性價比！