水戶日本料理

Open Now

Now Closed

今日大年初五，拜年前去搵間餐廳食個lunch先，由於我哋會去粉嶺拜年，就睇吓粉嶺附近有冇好嘢食！我哋發現粉嶺中心地下有間門面幾別緻日本菜餐廳，橫掂阿女又想食日本菜，就入去試吓啦！我哋叫咗個烏冬同叉燒拉麵做主打，另外在叫咗個清酒煮蜆同金菇牛肉卷，再叫多幾客壽司，個清酒煮蜆堅係正，一大鍋粒粒蜆都勁肥美，而且新鮮，性價比高！壽司更不在話下，三文魚壽司新鮮又大塊，價錢又大眾化！烏冬同個拉麵都係一絕，烏冬彈牙，阿女成個烏冬食晒咁滯！各位住粉嶺嘅街坊真係要試吓呢間水戶日本料理啦！