Video
Read full review
2023-03-28
356 views
俾我發現到灣仔有一間文青風格Cafe，晚餐性價比超高。套餐全部都係$100內而且仲包一杯嘢飲，除咗套餐仲有多款小食同甜品選擇，價錢亦非常吸引👍🏻岩哂長期糧尾又想平平地食餐好嘅我！😝蒜片欖油虎蝦炒意粉~$78意大利粉炒得好乾身口感彈牙，香濃蒜味夾雜着辣味非常惹味開胃！一碟意粉有三大隻煎香過嘅虎蝦，蝦肉彈牙鮮味👍🏻H+全日早餐~$88 一次過可以滿足幾個願望，唔想食咁heavy又想食多啲唔同種類嘅食物，All day breakfast係唔錯嘅選擇！有煙三文魚、牛油果、炒蛋、沙律菜、乳酪穀物片、酸種包同埋炸到外脆內軟嘅沖繩紫芋栗子薯餅！全部都好好味😋炸薯條配黑松露沙律醬~我係薯條愛好者明知肥都要食🥹薯條即叫即炸嘅炸到外脆內香軟嘅口感真係好正😋同黑松露沙律醬係絕配！熱伯爵茶同埋得飲雲呢拿奶昔~飲完杯奶昔已經飽咗一半😂成杯飲品都係雲呢拿籽可想而知雲呢拿味有幾香濃，口感香滑又creamy好味又邪惡嘅特飲👍🏻食完呢餐真係要跑多幾個圈先得！今晚食完太飽已經食唔落甜品，下次再嚟一定要試佢嘅牛角窩夫🤓
蒜片欖油虎蝦炒意粉~$78
意大利粉炒得好乾身口感彈牙，香濃蒜味夾雜着辣味非常惹味開胃！一碟意粉有三大隻煎香過嘅虎蝦，蝦肉彈牙鮮味👍🏻
H+全日早餐~$88
一次過可以滿足幾個願望，唔想食咁heavy又想食多啲唔同種類嘅食物，All day breakfast係唔錯嘅選擇！有煙三文魚、牛油果、炒蛋、沙律菜、乳酪穀物片、酸種包同埋炸到外脆內軟嘅沖繩紫芋栗子薯餅！全部都好好味😋
炸薯條配黑松露沙律醬~
我係薯條愛好者明知肥都要食🥹薯條即叫即炸嘅炸到外脆內香軟嘅口感真係好正😋同黑松露沙律醬係絕配！
熱伯爵茶同埋得飲雲呢拿奶昔~
飲完杯奶昔已經飽咗一半😂成杯飲品都係雲呢拿籽可想而知雲呢拿味有幾香濃，口感香滑又creamy好味又邪惡嘅特飲👍🏻
食完呢餐真係要跑多幾個圈先得！今晚食完太飽已經食唔落甜品，下次再嚟一定要試佢嘅牛角窩夫🤓
Post
