薄餅怪獸

Open Now

Now Closed

好似好耐冇同啲好姊妹食飯，今晚趁呢位好姊妹做完運動梗係要帶佢食餐勁㗎啦。其實呢間餐廳喺佢屋企附近佢想試好耐㗎喇，而我就比佢個招牌吸引到。入到去佢主打係食pizza所以有好多唔同嘅款式俾你揀，最特別嘅係原來呢度你可以要求佢幫你整做心心Pizza，啱晒情侶拍拖嚟表下白。但我哋今晚就嗌左個普通嘅圓形細Pizza，特色吞拿魚。細細個嘅份量啱啱好，滿滿嘅芝士厚厚嘅餅底，見到都覺得好足料，真係啖啖吞拿魚。另外我哋嗌咗佢兩件招牌炸雞嚟試吓，睇到佢炸到脆卜卜咁，真係好有罪惡咁㗎。一切開仲好Juicy 添。另外我哋仲嗌多咗個豬扒焗飯，今次真係嗌多咗，因為其實食完pizza加炸雞都已經飽飽地。好彩佢每樣嘢嘅份量唔會太多，但係就一定好足料，滿滿嘅芝士絕對唔會少。