Video
Read full review
2019-05-02
1289 views
之前我去食過越南菜同西餐，對於佢地食物嘅水準我100％安心～哈哈！今次大長征去到中環店！聽講佢係銀杏館第一間鋪～位置起歌賦街，附近有PMQ，遠少少有新打卡點－大館，其實幾岩同朋友去行下影下相，之後上去食野～起鴨巴甸街轉入去，右轉歌賦街直行到近街尾位置就到，其實離遠都會見到佢有一個易拉架放左出門口，中環店有兩層，唔知係咪因為中環本身都係個中西匯集嘅地方，哩間鋪外型都幾中西融合，用左霓虹燈整左個Gingko House，無錯～就係銀杏館嘅英文名！今次訂咗個「花饌套餐」~同朋友一行兩人所以就揀左無飯個款～入面我最期待嘅係桂花雞同香酥骨！桂花雞真係雞又有雞味～桂花有桂花味～唔係講笑，啖啖嫩滑雞肉，滲出清香桂花味！而有機洛神花冰梅香酥骨～係我同朋友一致好評！本身我就好鐘意洛神花嘅製品，加入去香酥骨道煮，真係無得頂！香脆！酸甜！開胃！肉骨比例平均～鐘意"吮"骨頭嘅朋友一定讚！另外仲有翡翠菊花魚卷同翠塘菊花扒有機豆腐。兩款都揀咗以菊花入饌，菊花清香，配清淡菜式就唔怕搶味，魚卷上面放咗蟹籽呀，加埋個蛋白茨汁，魚肉嫩滑唔腥！翠塘豆腐就好多料～有蝦粒菇粒元貝粒！其實配飯真係一流，但套餐本身已經好多款菜，為
起鴨巴甸街轉入去，右轉歌賦街直行到近街尾位置就到，其實離遠都會見到佢有一個易拉架放左出門口，中環店有兩層，唔知係咪因為中環本身都係個中西匯集嘅地方，哩間鋪外型都幾中西融合，用左霓虹燈整左個Gingko House，無錯～就係銀杏館嘅英文名！
今次訂咗個「花饌套餐」~同朋友一行兩人所以就揀左無飯個款～入面我最期待嘅係桂花雞同香酥骨！桂花雞真係雞又有雞味～桂花有桂花味～唔係講笑，啖啖嫩滑雞肉，滲出清香桂花味！
桂花雞
26 views
0 likes
0 comments
而有機洛神花冰梅香酥骨～係我同朋友一致好評！本身我就好鐘意洛神花嘅製品，加入去香酥骨道煮，真係無得頂！香脆！酸甜！開胃！肉骨比例平均～鐘意"吮"骨頭嘅朋友一定讚！
有機洛神花冰梅香酥骨
53 views
0 likes
0 comments
另外仲有翡翠菊花魚卷同翠塘菊花扒有機豆腐。兩款都揀咗以菊花入饌，菊花清香，配清淡菜式就唔怕搶味，魚卷上面放咗蟹籽呀，加埋個蛋白茨汁，魚肉嫩滑唔腥！
翡翠菊花魚卷
33 views
0 likes
0 comments
翠塘豆腐就好多料～有蝦粒菇粒元貝粒！其實配飯真係一流，但套餐本身已經好多款菜，為咗唔好浪費，我地都唔敢叫白飯，哈哈！
翠塘菊花扒有機豆腐
27 views
0 likes
0 comments
入面仲有款茉莉花京蔥孜然牛柳，重口味嘅朋友就岩哂！牛柳最怕煮過龍～師傅就煮得岩岩好～肉質淋～唔會好韌口！
茉莉花京蔥孜然牛柳
16 views
0 likes
0 comments
啊～仲有一入嚟就有花茶同蟲草花懷杞水鴨湯！水鴨湯係盅上，原汁原味！好想再要多盅！花茶係烏龍茶，茶壺入面好多花～哈哈！好似個花園仔呀～其實佢款款菜都有食用花，成件事都真係好"花花世界"～
迎賓花茶
8 views
0 likes
0 comments
蟲草花懷杞水鴨湯
17 views
0 likes
0 comments
最後係飯後甜品－相思紅豆杞子桂花糕～唔係太甜，桂花糕入面包住紅豆同杞子，杞子明目～大大粒好好味～本身個粽亦好香桂花味，為整個套餐畫上完美句號！
相思紅豆杞子桂花糕
8 views
0 likes
0 comments
整體來說，份量大用料足，一定食完好滿足！花嘅主題都好明顯，因為佢地用咗食用花入饌，本身起烹調嘅時候都加入左花去烹調，所以有啲菜式都有花香味道，味道較淡的都可以同食用花夾埋醬汁去食，唔會有違和感～
Post
