Video
Read full review
2021-12-04
217 views
完完全全俾佢嗰棵聖誕樹，同埋木系嘅枱枱凳凳吸引而入嚟！！當日點左兩份假日午餐：烤加拿大豬鞍配焦糖蘋果豬鞍非常厚身，但係煎得唔會過火，肉質唔會太硬，特別喜歡佢哋邊位烤得香脆，帶點豬油花既油脂感，搭配上焦糖蘋果嘅清新，小編都幾滿意。寶雲酥焗羊架羊架嘅外皮加上左麵包糠係去煎，外皮非常脆卜卜，肉質切開非常粉嫩，獨特既羊氈味好香口，旁邊既拌碟，包括薯仔同翠玉瓜都帶有淡淡的香草同牛油香氣。餐湯、餐包非常喜歡嘅餐湯，是日為甘筍薑湯，餐廳加入左薑絲去住煮，橙紅色嘅湯品飲完會比較暖身。餐包好鬆軟而且外皮好脆，屬於比較少見嘅餐包類型。套餐當然跟埋飲品！以週末嘅午餐來講，個人覺得絕對可以接受，亦都特別喜歡佢嘅半戶外座位，聽住柔和嘅英文歌，見着頭頂，旁邊嘅聖誕佈置，感覺好似去咗一個聖誕木村莊咁！
完完全全俾佢嗰棵聖誕樹，同埋木系嘅枱枱凳凳吸引而入嚟！！
當日點左兩份假日午餐：
烤加拿大豬鞍配焦糖蘋果
豬鞍非常厚身，但係煎得唔會過火，肉質唔會太硬，特別喜歡佢哋邊位烤得香脆，帶點豬油花既油脂感，搭配上焦糖蘋果嘅清新，小編都幾滿意。
寶雲酥焗羊架
羊架嘅外皮加上左麵包糠係去煎，外皮非常脆卜卜，肉質切開非常粉嫩，獨特既羊氈味好香口，旁邊既拌碟，包括薯仔同翠玉瓜都帶有淡淡的香草同牛油香氣。
餐湯、餐包
非常喜歡嘅餐湯，是日為甘筍薑湯，餐廳加入左薑絲去住煮，橙紅色嘅湯品飲完會比較暖身。餐包好鬆軟而且外皮好脆，屬於比較少見嘅餐包類型。
套餐當然跟埋飲品！
以週末嘅午餐來講，個人覺得絕對可以接受，亦都特別喜歡佢嘅半戶外座位，聽住柔和嘅英文歌，見着頭頂，旁邊嘅聖誕佈置，感覺好似去咗一個聖誕木村莊咁！
Post
