Video
Read full review
2021-11-02
1846 views
琴晚萬聖節👻前夜，屋企人同我一齊去咗位於觀塘嘅Angel & Devil 👿，我媽咪睇中左佢嘅牛魔王夜晚set🐮，有唔同嘅肉類選擇，適合晒我哋一家三口唔同嘅所需，但係冇諗過呢間餐廳……我哋一坐低，有個侍應就介紹咗出邊有沙律吧🥗、有最新潮流嘅素肉料理，好老實講，種類選擇唔多，但我哋都好滿意。佢哋安排咗我哋喺室內嘅梳化位🛋度坐，我哋一坐低就發現張沙發好唔掂，完全冇承托力😓🧽，成程都坐得好辛苦😂😂🙏🙏我哋諗住出去攞前菜，惡夢先至開始：啲沙律菜完全唔新鮮，佢哋都冇搵蓋冚住😩，有嘢喺上面飛來飛去，真係極恐怖🥶隔離有啲萬聖節應節食品，例如眼睛造型嘅小食👀，但係味道麻麻😅最近亦都興起人造肉熱潮，餐廳亦都提供唔少嘅人造肉食品：例如炸咖喱角🥘、未來漢堡🍔、蕃茄人造肉肉丸🍅等等，但係因為佢冇冚蓋，純粹搵射燈💡保暖，嘢食嘅溫度唔夠❄️，令到味道都大打折扣，如果唔係我相信咖喱角應該幾好食😋講完前菜，就要講主菜：西冷牛扒🥩：屋企人嗌左西冷牛扒，肉質好鞋，雖然有少少牛味，但係唔算特別濃郁，介末亦都要專登問先會有，原本諗住問佢攞啲黑椒🧂同埋鹽，最後都放棄咗，因為侍應都冇特別理我哋牛柳🥩：我自己食咗牛柳，其實見到屋企人
我哋一坐低，有個侍應就介紹咗出邊有沙律吧🥗、有最新潮流嘅素肉料理，好老實講，種類選擇唔多，但我哋都好滿意。
佢哋安排咗我哋喺室內嘅梳化位🛋度坐，我哋一坐低就發現張沙發好唔掂，完全冇承托力😓🧽，成程都坐得好辛苦😂😂🙏🙏
我哋諗住出去攞前菜，惡夢先至開始：
啲沙律菜完全唔新鮮，佢哋都冇搵蓋冚住😩，有嘢喺上面飛來飛去，真係極恐怖🥶
隔離有啲萬聖節應節食品，例如眼睛造型嘅小食👀，但係味道麻麻😅
最近亦都興起人造肉熱潮，餐廳亦都提供唔少嘅人造肉食品：例如炸咖喱角🥘、未來漢堡🍔、蕃茄人造肉肉丸🍅等等，但係因為佢冇冚蓋，純粹搵射燈💡保暖，嘢食嘅溫度唔夠❄️，令到味道都大打折扣，如果唔係我相信咖喱角應該幾好食😋
講完前菜，就要講主菜：
西冷牛扒🥩：
屋企人嗌左西冷牛扒，肉質好鞋，雖然有少少牛味，但係唔算特別濃郁，介末亦都要專登問先會有，原本諗住問佢攞啲黑椒🧂同埋鹽，最後都放棄咗，因為侍應都冇特別理我哋
牛柳🥩：
我自己食咗牛柳，其實見到屋企人西冷牛扒已經冇乜驚喜，所以我都用平常心看待，呢份牛柳真係好細，但係勝在牛味🐮夠，亦都有肉汁💦，算佢合格啦
斧頭豬扒：
我爹哋啲牙🦷老實講唔係咁好，呢塊豬扒真係好鬼死硬同埋鞋口，所以佢都食得唔係咁開心
甜品：
我哋覺得甜品就喺呢餐裏邊最好食嘅，佢哋提供檸檬批🍋同埋一份布甸，檸檬批的確幾好食，好香好味，亦無香精味，佢擺盤嘅方式亦都好靚，適合📸打卡用，值得一讚
後話：本身約咗同阿公一齊嚟食生日飯，好彩颱風🌀來襲取消咗，如果唔係都唔知點收貨😵
—————為食分界線——————
Angel & Devil (觀塘)
觀塘駿業街58號Club East洞天4樓
推介指數 🤰(1/5)
好味指數 🤰🤰🤰(2/5)
抵食指數 🤰🤰(2/5)
環境推介 (0/5)
人均消費： $300
Post
