為食龍 (Closed)

🦖中環恐龍主題特色日本菜🦕餐廳有兩層，以恐龍同森林作為主題裝修非常之有心思！絕對係打卡之選~壁畫、天花板、樓梯，周圍都搵到恐龍踪影仲掛左好多植物、猶如置身森林嘅感覺真係非常之有特色‼️打卡一流每一個位置到可以影到靚相～～作為一間日式餐廳，當然有壽司/刺身腐皮壽司係佢嘅招牌 仲有特色飯團、串燒、烏冬、刺身、小食、甜品腐皮壽司🦕 ($30-36/each)今次總共試咗九款，刺身新鮮，腐皮本身有啲甜味，唔使點豉油都好好食推薦口味：辣味三文魚、左口魚、甜蝦蟹膏日式鰻魚蛋包飯🦕 ($198)一塊長過隻碟既蒲燒鰻魚，肉質厚實、照燒汁好好味蛋夠滑，味道正常～夏威夷肥仔🦕 ($78/半份）「特色芝士鰻魚卷」，極郁車打芝士配沙律醬壽司食一兩舊就好味，但好容易膩，而且醬多過飯，不推薦！蜜糖芥茉炸雞🦕（$89）其實炸雞好難整得唔好食😂但佢唔夠熱，就真係幫佢唔到‼️奶蓋白玉烏龍🦕 （$66）白玉麻糬煙韌，加埋黃豆粉，甜甜地好好食～ 奶蓋芝士，咸咸地埋少甜嘅烏龍茶幾好飲總括嚟講，環境一流，食物質素中中腐皮壽司推薦但價錢偏貴，性價比低🥹同樣價錢食放題或者仲開心，如果鍾意打卡試新嘢可以try 推薦指數： 6.5/10