Video
Read full review
2021-09-06
1898 views
同朋友係中上環做完野，跟住搵左哩間餐廳食晏，朋友去寄包裹晏點到，同餐廳講兩位，樓下待應說樓上有兩位，叫我上去坐，上到去小小的閣樓全坐滿左客人，燈光微暗，枱與枱之間迫唿，見到有張細細的二人坐位枱，於是坐低，待應即刻黎問我食咩，幸好我係網上睇過餐牌，可以即刻落單，佢問我係咪兩位？我答係。跟住佢再問我朋友呢？我答一陣到。我點左S11極級羊T骨伴飯+湯。待應1分鐘後回覆我無貨，我滿腦問號，什麼叫無貨，他解釋即係餐廳無拎貨，無得賣，我心諗都幾攪笑，無拎貨個餐牌依然寫有哩個餐。轉左S2紅酒燴牛尾飯，餐湯先黎，係忌廉磨菇湯，畢起好多菇蓉係當中，而且熱騰騰，我好鐘意飲熱騰騰既湯，覺得甘先代表新鮮烹調。哩個時候待應又黎問我你係咪有朋友黎?我答係，佢黎緊。牛尾飯都好快放到枱上，係哩個時間有位男仕自己走左上黎，問有無位，果位待應周圍望左一眼，然後問佢介唔介意搭枱，指著我張枱示意佢坐，我話有人的，佢黎緊，男仕原本想走過黎，聽完我講就落返去。待應走過黎，拿起枱上的餐牌再次問我你朋友幾時黎，我過了2秒才答他，黎緊，就到，他將手上的餐牌拍一聲放回餐枱原處，當時我巳開始食緊飯，嚇左一跳，態度真的好差。我send 信息
佢問我係咪兩位？
我答係。
跟住佢再問我朋友呢？
我答一陣到。
我點左S11極級羊T骨伴飯+湯。
待應1分鐘後回覆我無貨，我滿腦問號，什麼叫無貨，他解釋即係餐廳無拎貨，無得賣，我心諗都幾攪笑，無拎貨個餐牌依然寫有哩個餐。
轉左S2紅酒燴牛尾飯，餐湯先黎，係忌廉磨菇湯，
畢起好多菇蓉係當中，而且熱騰騰，我好鐘意飲熱騰騰既湯，覺得甘先代表新鮮烹調。
哩個時候待應又黎問我你係咪有朋友黎?
我答係，佢黎緊。
牛尾飯都好快放到枱上，
係哩個時間有位男仕自己走左上黎，問有無位，果位待應周圍望左一眼，然後問佢介唔介意搭枱，指著我張枱示意佢坐，我話有人的，佢黎緊，男仕原本想走過黎，聽完我講就落返去。
待應走過黎，拿起枱上的餐牌再次問我你朋友幾時黎，我過了2秒才答他，黎緊，就到，他將手上的餐牌拍一聲放回餐枱原處，當時我巳開始食緊飯，嚇左一跳，態度真的好差。
我send 信息吹我朋友快點到。
朋友終於到了，他點了杯凍奶茶說要透順條氣先，果位待應又不客氣走黎問只叫杯奶茶，叫唔叫餐，食咩，一次過叫埋。
朋友因為之後約左客人食飯，於是答唔叫野食，只叫飲品，待應指著他們點餐機前的告示，問我地無睇告示嗎, 煩忙時間12:00-2:00每人最低消費$60。
朋友於是發脾氣大聲問我做咩搵間咁既餐廳食飯，咁多限制，態度又差。果句告示唔係寫落餐牌，只係貼於牆上點餐機前，講真一句，我相信只有佢哋先會睇到。
朋友於是點了個炭燒雞扒飯外賣，哩個時候有位女仕上來，自己一個人霸左張4人枱坐，但果個待應無出過聲，都無去問果位女仕幾多位，直至有其它客人再上黎，他先安排果位女仕去搭枱，上黎的客人只有2位，再次霸了張4人枱坐，待應問他們幾多位，他們說4位，原來係3大1小，他們只叫兩個餐share食，但待應完全無提每人最低消費$60的條文。
果位待應又再走過黎，說外賣巳預備好係下面，係咪要拎上黎？
朋友說整好左點解唔拎黎，拎黎我地就走，待應只好去下面拎上黎比我地。
講真一句，食餐安落茶飯都咁，價錢又唔係平過人，超受氣，以後都唔會再幫襯。
Post
