Video
Read full review
2022-12-11
1163 views
悄悄的我走了，正如我悄悄的來。呢間食堂，一點都不食堂，座落於荔枝角道，門面係非常日式的裝修，從街外望入去見到有幾張塌塌米嘅座位，我地都係俾佢吸引入去。餐廳裝修係日系，門口附近嘅塌塌米令人感覺置身於日本中，好可惜當日已經俾人book 晒，唯有下次早啲訂位。晚巿以居酒屋為主，提供不同嘅酒精飲品，配以小食送酒。「是日餐點」👉🏾 三文魚幽庵燒💰HKD138幽庵燒是和食燒物嘅一種，跟西京燒一樣以特調醬汁來醃食材然後燒烤。西京燒食得多，幽庵燒就係第一次食。三文魚燒得啱啱好，外表燒得好香脆，但裡面係半熟，所以舊魚係好滑。幽庵燒唔會好似西京燒咁重味，反而仲食到魚嘅鮮味。👉🏾豆乳擔擔冷面💰 HKD88豆乳加擔擔呢個配搭真係第一次食，估唔到係咁夾。豆乳嘅豆香同香滑，擔擔嘅香辣，冷面嘅爽口彈牙，可以媲美四川擔擔麵。👉🏾IPA 啤酒炸漿炸雞💰 HKD88炸雞有4件大大舊，炸漿好薄，雞肉好嫩滑好juicy，配以荔枝蜜wasabi 醬，少少甜得黎好惹味。比起連鎖嘅炸雞或者韓式炸雞，好味好多。👉🏾明太子烤山藥💰 HKD58薄薄嘅山藥鋪了滿滿嘅明大子，燒過的明太子特別香，配以爽脆嘅山藥，又香又脆，送酒一流。👉🏾明太子
悄悄的我走了，正如我悄悄的來。呢間食堂，一點都不食堂，座落於荔枝角道，門面係非常日式的裝修，從街外望入去見到有幾張塌塌米嘅座位，我地都係俾佢吸引入去。
餐廳裝修係日系，門口附近嘅塌塌米令人感覺置身於日本中，好可惜當日已經俾人book 晒，唯有下次早啲訂位。晚巿以居酒屋為主，提供不同嘅酒精飲品，配以小食送酒。
「是日餐點」
👉🏾 三文魚幽庵燒💰HKD138
幽庵燒是和食燒物嘅一種，跟西京燒一樣以特調醬汁來醃食材然後燒烤。西京燒食得多，幽庵燒就係第一次食。三文魚燒得啱啱好，外表燒得好香脆，但裡面係半熟，所以舊魚係好滑。幽庵燒唔會好似西京燒咁重味，反而仲食到魚嘅鮮味。
👉🏾豆乳擔擔冷面💰 HKD88
豆乳加擔擔呢個配搭真係第一次食，估唔到係咁夾。豆乳嘅豆香同香滑，擔擔嘅香辣，冷面嘅爽口彈牙，可以媲美四川擔擔麵。
👉🏾IPA 啤酒炸漿炸雞💰 HKD88
炸雞有4件大大舊，炸漿好薄，雞肉好嫩滑好juicy，配以荔枝蜜wasabi 醬，少少甜得黎好惹味。比起連鎖嘅炸雞或者韓式炸雞，好味好多。
👉🏾明太子烤山藥💰 HKD58
薄薄嘅山藥鋪了滿滿嘅明大子，燒過的明太子特別香，配以爽脆嘅山藥，又香又脆，送酒一流。
👉🏾明太子魚鬆茶漬飯💰 HKD138
原條明太子放在三文魚鬆上，倒入熱辣辣嘅高湯，成為一碗好好味嘅茶漬飯。明太子嘅咸香，配埋煎得脆脆嘅三文魚碎，鮮甜嘅高湯，粒粒飽滿嘅日本米，實在令人食指大動，回味無窮。
Post
