Romanne Leisure Food Concept (砵蘭街) (Closed)

在繁忙既旺角裡，最近找到一間樓上餐廳 "Romanne Leisure Food Concept"，這裡環境清幽，感覺 relax！餐廳簡約風格裝修，牆身帶有綠色植物佈置，環境舒服，仲可遠望街景，令人覺得悠閑。午市套餐都幾多選擇，有十多款，包括澳洲特選肉眼、自家製牛肉大啡菇漢堡配薯條、欖油蕃茄乾虎蝦尾意大利麵、K.Romanne Leisure Breakfast 等，配精選餐湯或沙律及餐飲。澳洲特選有骨肉眼紅酒汁配薯菜     $128驚喜有帶骨肉眼揀，雖然不算很厚，但係好大塊，我度過真係大個嗰手掌，雖然肉眼扒輕微帶少少筋，但五成熟嘅煎法可以將肉汁鎖住，肉眼扒腍身，配埋紅酒汁，食落去好juicy，層次豐富！另外，值得一讃既係配菜好好食，有烤焗過嘅薯仔、用鹽水浸泡西蘭花 青瓜、南瓜、茄子同車厘茄，保留到食材嘅鮮甜味，整體性價比好高！自家製牛肉大啡菇漢堡配薯條    $99份量十足嘅漢堡，食材都幾多，而且新鮮，厚厚嘅牛肉係餐廳自家製，牛味特別濃，肉嫩多汁，溶溶芝士令牛肉更可口，加埋大大個啡菇、大片蕃茄、紫洋蔥、生菜同麥麵包，口感相當豐富，仲好美味㖭。炸薯條有啲係連皮，又幾好食喎，外脆內軟