廿一由八 (Closed)

觀塘雲雲工廠大廈入面有好多Cafe小店，上次同同事嚟左呢間集傢俬舖於一身嘅Cafe食lunch，環境寧靜舒適，最可惜係食唔到佢哋最出名嘅麻薯tiramisu(ಥ_ಥ) 要搵個weekend再幫襯！🍽食物👍🏻盲曹魚薑黃椰菜花飯 $138 7/10呢個係低卡之選～ 第一次食椰菜花飯不過佢整到好似risotto 咁，已經變到好淋冇左菜嘅口感。手掌咁大塊嘅盲曹魚扒輕輕煎過，魚肉嫩滑，調味比較清淡。不過椰菜花飯加左薑黃粉仲有蔬菜一齊燩煮味道變得豐富，亦都比較重口味，配埋魚肉一齊食就岩岩好！👍🏻波爾多可麗露 $35 7/10食完飯同同事一齊share可麗露～ 上菜時仲係微暖，外層焗到焦香脆脆哋，裏面軟綿綿而且充滿蜂巢狀氣孔，可麗露好有咬口同埋濃濃嘅焦糖香(˶‾᷄ ⁻̫ ‾᷅˵) 好幸福！⛩環境👍🏻成間舖都係以簡約木傢俬為主題，俾人溫暖舒服嘅感覺，仲可以參觀佢哋嘅傢俬，坐窗邊位仲會有自然光，啲相都靚啲～👎🏻由於大半間舖都用左嚟展示傢俬，所以位置真係好有限，去之前記得book位呀！💁🏼‍♀️服務👍🏻店員服務態度有禮貌📝總評 7/10當日lunch time去唔算多人，所以坐得舒服，不過繁忙時間就會限時一個鐘。