Video
Read full review
2022-06-17
78 views
呢間位於西環嘅法式小餐館，餐廳設計得好休閒風，假日嚟Chill下就最適合不過😌後來先知原來佢哋係La Creperie嘅姊妹店，唔怪得知Crepe咁有水準啦！今次叫咗佢哋最新推出嘅二人套餐，都只係$558兩個人，價錢合理☺️• Set dinner for 2 $558Brittany Fish Soup自家製魚湯鮮甜順喉，附上嘅蒜蓉包有如餅乾一樣咁脆，自帶蒜蓉同芝士香氣，傳統食法係將芝士絲放上蒜蓉包上，再沾點湯汁一齊食，令味道更加有層次感✨Classic Beef Tartare +$38新鮮嘅生牛肉粒均勻拌入咗甜甜酸酸嘅醬汁，有少少似千島醬嘅味道，撈埋蛋汁一齊食口感滑溜😚Tiger Prawns Pasta 呢度嘅Pasta坦言就一般般，醬汁偏淡，唔係太食到所講嘅蕃茄忌廉味，意粉口感亦唔夠彈牙，勝在面頭三隻虎蝦大大隻又新鮮，但建議可以試下其他main先😗Beef Bourguignon牛面頰肉已經切好曬一粒粒，肉質煮得好軟腍，但係差咁少少牛香。醬汁嘅紅酒味唔算太濃烈，有唔少嘅蘑菇做伴碟，煮得幾入味，薯蓉嘅牛油味亦都好香😌Crepe La Liegeoise甜品當然要揀返招牌嘅Crep
• Set dinner for 2 $558
Brittany Fish Soup
自家製魚湯鮮甜順喉，附上嘅蒜蓉包有如餅乾一樣咁脆，自帶蒜蓉同芝士香氣，傳統食法係將芝士絲放上蒜蓉包上，再沾點湯汁一齊食，令味道更加有層次感✨
Classic Beef Tartare +$38
新鮮嘅生牛肉粒均勻拌入咗甜甜酸酸嘅醬汁，有少少似千島醬嘅味道，撈埋蛋汁一齊食口感滑溜😚
Tiger Prawns Pasta
呢度嘅Pasta坦言就一般般，醬汁偏淡，唔係太食到所講嘅蕃茄忌廉味，意粉口感亦唔夠彈牙，勝在面頭三隻虎蝦大大隻又新鮮，但建議可以試下其他main先😗
Beef Bourguignon
牛面頰肉已經切好曬一粒粒，肉質煮得好軟腍，但係差咁少少牛香。醬汁嘅紅酒味唔算太濃烈，有唔少嘅蘑菇做伴碟，煮得幾入味，薯蓉嘅牛油味亦都好香😌
Crepe La Liegeoise
甜品當然要揀返招牌嘅Crepe！我好鍾意佢哋嘅Crepe煙韌有咬口，加上濃郁嘅朱古力雪糕、奶香十足嘅鮮奶油同海鹽焦糖醬，超邪惡但又好好味🤤
Bistro Breton Lemonade +$30
店員特別介紹佢哋嘅Lemonade係每日新鮮製作，檸檬味好突出😌
Kir Breton +$40
黑加侖子酒再加上Apple cider調製而成，果味同甜昧出眾，係屬於較易入口嘅酒😉
Post
