Délifrance (Closed)

同牛爸行到累，經過淘大商場嘅delifrance，見倒開放式設計，裝修簡約時尚，可能係平日，唔係好多人，有好多空位，仲好！唔會禁嘈，而佢座位之亦好寬敞，令人坐得好舒服，唔會好似茶餐廳咁禁迫，又嘈又要搭枱！另外佢嘅雜誌架上仲有幾款報紙同雜誌任客取閱，呢樣啱哂我地呢啲平日唔得閒睇報紙嘅人，見餐牌下午茶餐都有好多選擇，我同牛爸都一齐揀左芝士白汁吞拿魚焗全麥厚多士，因為吞拿魚同全麥包有益啲嘛！多士黎到面前，已經聞倒陣陣香香味~，嘩！真係好厚呀…件多士！多士面嘅芝士白汁同吞拿魚份量配搭亦啱啱好，咬落去每一啖都食倒濃郁嘅芝士味同吞拿魚嘅香味，多士焗到啱啱好，中間鬆化得黎又好軟熟，條邊焗到卟卟趣，再飲啖凍檸茶，將頭先行街時嘅悶熱全消，食完野，再睇左一陣報紙，忽然觉得好似退休生活禁悠閒，真舒適！