雅苑座

星期日中午同老婆出來鬆一鬆，去左尖沙嘴帝苑既雅苑座食自助餐。食自助餐最怕同人爭餐飽，又或者食食下唔再出某啲野食，例如魚生、蠔、蛋糕、生果之類。來這裡食就無呢個問題，由頭食到尾啲野食未停過，所以大家都唔洗爭，根本就攞極都仲不停供應，所以可以享受慢慢食。自助飲品有橙汁、柑桔檸檬、奶茶咖啡等，試左個柑桔檸檬，凍凍地幾醒胃。食物方面覺得甜品比熱盤出式，當然一般的蟹腳、翡翠螺、三文魚、吞拿魚等等樣樣齊全。熱盤估唔到有燒牛肉，雖然有啲生，但幾好味，而老婆怕牛肉太生，結果餐廳職員幫手攞去廚房煎熟啲😀👍🏼，服務幾細心。甜品提介提拉米蘇，我們兩人差不多食左半個😜但佢好快又添返出來👍🏼，鬆軟香滑，勁正。蝴蝶酥都好正，唔會太甜，又鬆脆。