Video
Read full review
2015-10-06
1610 views
例牌飲完茶行街買野食下午茶，呀妹話搵間cafe 坐下hea下，哎呀真係諗大我個頭，荃灣好少cafe啵~Openrice下發現有呢間甜品cafe，都幾多野揀，就突登行過去。甜品店做主打，配以熟食為輔，店内第一張長枱放有大家玩開既Boardgame、Cardgame、兒時玩具，裝修顏色鮮明偏活潑同年輕化。間店係睇完Menu，去櫃枱落Order俾錢，店員會係甜品或者野食整完後送去你張枱。呀妹囉見野食未到就話要玩，拎左層層疊，鱷魚夾一路玩一路等野食。呀妹叫左個爆谷雪糕同我一齊食，係正宗韓式七圈半雪糕，都幾高整體又冇歪到，視覺上有suprise。我試過單食雪糕，都試過雪糕加爆谷一齊食。雪糕係雲呢拿味，食落冇乜空氣感，雪糕打得好均勻滑身，好d偏向乳酪質地般挺身，奶味濃，好味。焦糖爆谷依然脆口冇淋度又唔太硬，睇黎間店鋪存放爆谷方式應該唔錯。焦糖爆谷比一般超市買既冇咁甜，同奶味重既雪糕配合，刺激你食慾同味蕾。口味偏甜既朋友可以食一口雪糕時配多粒爆谷，正常口味就一口一至兩粒啱啱好。食到入面發覺甜品師父加左焦糖係底，照顧到底部雪糕冇痴到焦糖爆谷既口味分別，令整體口感統一，食者能從一而終。我自己就叫左白朱古
Openrice下發現有呢間甜品cafe，都幾多野揀，就突登行過去。
甜品店做主打，配以熟食為輔，店内第一張長枱放有大家玩開既Boardgame、Cardgame、兒時玩具，裝修顏色鮮明偏活潑同年輕化。
間店係睇完Menu，去櫃枱落Order俾錢，店員會係甜品或者野食整完後送去你張枱。呀妹囉見野食未到就話要玩，拎左層層疊，鱷魚夾一路玩一路等野食。
爆谷雪糕
63 views
0 likes
0 comments
我試過單食雪糕，都試過雪糕加爆谷一齊食。
雪糕係雲呢拿味，食落冇乜空氣感，雪糕打得好均勻滑身，好d偏向乳酪質地般挺身，奶味濃，好味。焦糖爆谷依然脆口冇淋度又唔太硬，睇黎間店鋪存放爆谷方式應該唔錯。焦糖爆谷比一般超市買既冇咁甜，同奶味重既雪糕配合，刺激你食慾同味蕾。口味偏甜既朋友可以食一口雪糕時配多粒爆谷，正常口味就一口一至兩粒啱啱好。食到入面發覺甜品師父加左焦糖係底，照顧到底部雪糕冇痴到焦糖爆谷既口味分別，令整體口感統一，食者能從一而終。
白朱古力脆皮蛋糕
31 views
0 likes
0 comments
蛋糕賣相好靚，黑木碟伴底，用煉奶拉花加士多啤梨伴碟，整體好典雅别致。
白朱古力脆皮外層都幾硬難切開得靚，白朱古力好甜但唔膩，厚度入口唔會即溶，食嗰時含一陣可以感受白朱古力帶黎絲絲甜味，唔錯。
不過中間係朱古力海綿蛋糕層，夾層同Cream同少少碎啫喱，感覺雖唔heavy但有點普通，我仲以為係慕絲底，不過脆皮特點用落慕絲度…好似都難成形得靚。值得一提蛋糕上既同伴碟既士多啤梨都甜而新鮮，冇失手，唔錯。
同呀妹一路玩UNO，一路打發時間，又一餐悠閒下午茶。
Post
