Caffe Kenon (Closed)

週日下午到Times Square睇戲，之前選了在附近的Caffe Kenon午膳。一客意式套餐有前菜、主菜、甜品及餐飲，約一百元，價錢合理。以焗雜菌芝士法式多士作前菜，多士都幾脆口，雜菌芝士味道OK，倘若芝士味道更rich會更理想。主菜蝦、迷你蘆筍、蕃茄汁意大利麵，味道酸酸地，醒胃美味；蝦只得三隻，少咗啲喎！甜品藍莓芝士餅，藍莓味明顯不夠，芝士餅質素則中規中矩，和出名的餅店還有點距離。咖啡味道不俗。同行好友的芝士蕃茄多士，份量不少，餡料味道清清地，配上熱烘烘及脆口多士，都幾好食。P.S. Citibank Card 有九五折。