Match Cafe & Restaurant

Open Now

Now Closed

今日早小小放，黎呢度食返個午餐放鬆下先，油麻地環境中算唔錯，仲有outside，岩哂成日坐office嘅人，呢度應該仲有攪證婚party。午餐有A-G餐，由$39起，加一服務費，每個餐跟餐湯同餐飲一杯，我就選擇了個香煎鴨胸薯仔伴紅酒汁，先黎個餐湯，係忌廉湯，仲有一小塊多士，忌廉湯比較杰身，味道可以，多士太多油，淋左。等左10分鐘主菜上枱，賣相幾好，鴨胸肉煎得耐左，有小小老，鴨酥味唔算重，薯仔就好入味，無睇過餐牌都估佢唔到係薯仔，好食，紅酒汁就味道好淡，不過配左鴨胸之後個鴨胸係好食左，最後奶茶喇，唔係港色茶餐廳味，不過有小小似，幾好飲，加$15仲有是日甜品，不過我無加，食完都飽。仲有wifi用，係一個唔錯嘅地方。