Gastrobox The Cameron (Closed)

是日放假 想同阿媽悠閒一下 揀左一壽司對面嘅上樓西餐廳 GASTROBOX relax 下 佢嘅裝修幾高雅 令人感覺舒服 (唔記得影相！)餓到抽筋 快手order左兩味 媽子要鮮蝦配意大利飯 我就要香煎三文魚柳 好快去完洗手間 已經有野食 首先有香草麪包 熱身 脆脆 好食！跟住有陳醋蔬菜沙律 鮮茄湯 都係誠意之作 尤其個湯 仲見到有蕃茄核同纖維喺湯入面 好飲！ 唔係亂加茄膏之作主菜到 我個香煎三文魚柳好好食 份量足 魚皮脆 加埋個白色汁(我唔知係乜汁) 中和左魚油 食味剛好 魚肉結實 另媽子嘅意大利飯我唔記得試 唔知味道 但咀刁嘅佢都清左碟 我只係食左佢兩隻大蝦 都好得 爽脆彈牙 有蝦味 另佢都有讚三文魚柳 希望下次黎可試到其他魚種另喺員工嘅推介下(佢地好有禮 又對產品熟悉！！) 我媽要左伯爵紅茶 我要左熱咖啡 個咖啡一飲就知係Arabica 好介紹 無老點我 哈哈！ 配埋打熱左嘅淡奶上俾我 細心呢！！最後 喺有禮員工推介下 雖然九成半飽 但係都追加左佢話好正嘅藍苺芝士蛋糕 一上碟 先見到好有心機嘅人手裝飾 跟住入口 好味！ 首先我唔太食甜 但佢甜度適中 最欣賞藍苺喺蛋糕入面都有好大量