老厝邊

Open Now

Now Closed

經常黎呢度幫襯，就係鍾意呢度悠閒既感覺。環境: 年初完成就裝修，舖面更光猛，座位都足夠闊落。另外新設卡位，人多可以坐得再舒服一d服務: 人手充足，亦唔會講轉頭先就冇左件事，間中有台妹駐場。服務到位，要挑剔就係唔洗收枱收得咁急，雖然佢都唔係意圖想食快快趣食完好走，呢度歡迎食客食完坐底傾下計嘅食物: 餐廳要人翻食，食物質素必定係首要。呢度食物品質由開業到依家都冇退步，間中亦有花心思推出新款。特別推介係蛋餅同魯肉飯，呢度做出黎既水準係優秀。涼水選擇多，亦都間中有新飲料推出，唔洗食來食去都係嗰幾味。鹵味夠大碟，調味唔會過重。純粹幫襯咁耐覺得要寫篇食評讚下，市道唔好，希望有質素既餐廳可以長做長有，我先有得繼續幫襯。