慢煮工業 (Closed)

今晚相約朋友食飯，其中一個朋友話呢間既賣點係一塊牛會用8小時，慢慢煮，咁同行無人反對就去左呢間喇。啲餐具好靚，個環境好岩幾個朋友聚下舊，傾吓計。首先一人一枝手工啤，我本身唔係好飲酒，所以帶咗枝甜啲嘅酒黎試吓。我嗰枝係北歐雜莓手工啤，好甜，好少酒味，好好飲。呢個芝士包都幾好食，啲包好軟熟，芝士嘅份量其實都幾多嘅，不過我呢個芝士怪就覺得唔夠芝士。前面係西冷，點左兩人份量。好香牛肉味，好腍，唔會整到好韌。後面係豬仔骨，咁岩食左舊無骨，好好味，又係整得好腍。呢個豬鞍好似蘋果批嘅味，好清新好特別，都係好好味。最後仲有個薯條，係新鮮炸嘅，如果有芝士就正到爆。