不籽是咖啡 (藝里坊・1號)

Open Now

Now Closed

西環有唔少cafe，呢間採用木系設計，波希米亞風，有室內室外位置，除咗常見嘅咖啡茶類飲品之外，主打多款特色主食。自助形式，先喺出邊落單，然後自己斟水攞餐具等店員送餐。選擇困難症一點會點All Day Breakfast，有齊黑松露炒蛋、腸仔、牛油果、沙律菜、雜菌、牛角包，另外可以選擇要煙肉定三文魚。五顏六色，味道鹹香，份量細細，下午茶食啱啱好。Croffle選擇有四款，有甜有鹹，半份上，淡淡牛油香氣，偏軟熟，上面放上滿滿嘅蟹籽、蟹肉同炒蛋，食落都幾嫩，旁邊有少量沙律菜，中和整體油膩感。小食有雞軟骨餃子，外皮炸至脆身，皮夠薄，餡料飽滿，帶咬口，值得一試。飲品有椰子奶咖啡同朱古力，前者見唔少人點，飲落香滑，後者偏甜，小朋友口味。