Burger Joys (君悅居)

Open Now

Now Closed

放假出港島做下悠閒一族，行過見到呢間似酒吧既餐廳朋友仔見佢裝修幾特別，好有假日氣氛就話入去試下。餐點主要係牛肉芝士burger或雞肉，，小食都有好多選擇，我地想試多幾樣所以揀左個特別既磨姑burger 。黑松露薯條同蒜香雞翼。 值得一提呢度野飲好多選擇上致酒類下之奶醋都有，非常適合happy hour或gathering 。我既左野莓汁有酸酸地幾開胃。因為星期六所以鋪頭都幾乎滿座，大部分都係外國人同年輕男女，牆身掛住兩個大電視原來夜晚會有足球賽事睇，難怪甘受歡迎。野食好快上齊，薯條超香，勁多黑松露，心心眼。個包塊磨姑打成扒再炸脆，食到粒粒磨姑加埋芝士幾香口，同埋好厚身，包皮鬆軟唔會硬，足料。食食下到雞翼上枱即刻好忙🤣，因為我地2個都好中意食雞翼，好想快啲試下。可能有蒜香炸過下，個皮脆脆地，再加埋酸甜汁，有啲似泰式雞翼，令人可以一次過食幾隻，正。飲飽食醉滿足後埋單都係300蚊有找，係港島區開餐仲要係食西餐加環境呢個價錢性價比高呀。