Video
Read full review
2023-05-21
304 views
依排天氣時晴時雨真係好難預料，但一家大細講好咗要BBQ+風雨不改，做搞手當然要搵個好地方。喺Openrice搵到位於馬鞍山嘅白石燒烤，睇相覺得環境唔錯又有瓦遮頭，落雨都無有怕!! 最緊要係燒烤場隔離就有時租停車場，夠曬方便，好適合帶著一家大細，又唔想辛苦自己整BBQ食材嘅朋友仔。雖然落著毛毛雨，但係白石燒烤有瓦遮頭，樓底算高，空間寬敞，就算當日算多人BBQ，都唔會濃煙密佈。白石毗鄰吐露港，一邊燒烤一邊可以欣賞吐露港景色，偶然仲見到白鷺等候鳥飛過，貼近大自然嘅環境令人心曠神怡。洗手間位置方便，有專人打理，衛生情況好理想。5人海鮮套餐星期一至五$1038星期六日公眾假期$1188古法吊燒雞$148古法吊燒雞為方便客人快啲燒熟，隻雞已經有7至8成熟，所以職員提醒我哋唔洗燒太耐，留意到雞嘅外皮微微燒至金黃，就食得啦!! 燒雞經古法醃製特別惹味，皮脆肉嫩，咬落啖啖肉又多汁，超級有驚喜!! 彈牙海中蝦1包 (六隻)開頭以為雪蝦實冇乜鮮味啦，但我哋燒果陣加咗少少鹽同胡椒調味已經好好食。食落仲好爽口，肉質彈牙又鮮甜。蒜茸半殼帶子(五隻)1 包帶子肉質鮮嫩多汁，食落鮮甜冇沙，配上蒜蓉就更惹味!! 仲有粉
依排天氣時晴時雨真係好難預料，但一家大細講好咗要BBQ+風雨不改，做搞手當然要搵個好地方。喺Openrice搵到位於馬鞍山嘅白石燒烤，睇相覺得環境唔錯又有瓦遮頭，落雨都無有怕!! 最緊要係燒烤場隔離就有時租停車場，夠曬方便，好適合帶著一家大細，又唔想辛苦自己整BBQ食材嘅朋友仔。
雖然落著毛毛雨，但係白石燒烤有瓦遮頭，樓底算高，空間寬敞，就算當日算多人BBQ，都唔會濃煙密佈。白石毗鄰吐露港，一邊燒烤一邊可以欣賞吐露港景色，偶然仲見到白鷺等候鳥飛過，貼近大自然嘅環境令人心曠神怡。洗手間位置方便，有專人打理，衛生情況好理想。
5人海鮮套餐
星期一至五$1038
星期六日公眾假期$1188
古法吊燒雞$148
古法吊燒雞
為方便客人快啲燒熟，隻雞已經有7至8成熟，所以職員提醒我哋唔洗燒太耐，留意到雞嘅外皮微微燒至金黃，就食得啦!! 燒雞經古法醃製特別惹味，皮脆肉嫩，咬落啖啖肉又多汁，超級有驚喜!!
彈牙海中蝦1包 (六隻)
開頭以為雪蝦實冇乜鮮味啦，但我哋燒果陣加咗少少鹽同胡椒調味已經好好食。食落仲好爽口，肉質彈牙又鮮甜。
蒜茸半殼帶子(五隻)1 包
帶子肉質鮮嫩多汁，食落鮮甜冇沙，配上蒜蓉就更惹味!! 仲有粉絲，吸收曬帶子嘅精華，令人食指大動。
紐西蘭半殼青口1包
青口肥美肉厚，分外鮮甜，食落完全無沙好juicy，另外有盒蒜茸牛油提供。雖然我用咗嚟茶麵包，但屋企人用嚟配青口食，個個都話好好食。
蜜汁叉燒 2包
叉燒肉質鮮嫩，咬落啖啖肉又juicy!! 蜜汁同叉燒簡直係perfect match!!
雞扒3包
雞扒都共有三款味：泰式﹑香茅﹑蒜蓉，三款口味嘅調味都恰到好處，唔會太咸
其餘肉類醃製得好夠味，最重要係食完唔會口渴，另外5人海鮮套餐仲包括：
豬扒3包
雞中翼2包
海鮮三寶丸2包
爆汁芝味芝士腸1包
雞肉腸1包
台式脆皮腸1包
迷你日本甜薯1 份
香甜粟米2份
PS 我都係第一次揸車去馬鞍山白石，但嗰度泊車指示清晰，停車場拍八達通入場，感應都好快。仲有好多車位，空間寬敞，就算係新手泊車都無乜難度，值得一讚停車場環境清潔，無垃圾。搵一個好嘅燒烤場，真心唔易，今次一家大細都讚我無揀錯，誠意推介俾大家💪🏻
Post
