Video
Read full review
2014-08-12
880 views
到咗每個星期日，又係Family Day。本來諗住去返平時飲開嗰間酒樓，但因為俾人包左場，所以無得飲。諗諗下，反正人又唔多，加上舅父又有揸車。於是一行人就入去西貢科技大學飲茶去到爆多人，公主我拿拿聲去攞飛。等咗唔夠5分鐘，就到我張飛喇！可能細枱多人等，大枱反而無咩人等，所以好快就入得。一坐低就即刻叫嘢食。（話時話，最近公主我幾次出去食飯等位時，人係好多，但我等嘅時間又唔洗好耐，真係好彩！）先來鳳爪排骨飯同叉燒腸。公主我冇食到個飯，但睇落相當唔錯。叉燒腸真係幾好味，腸粉皮厚度適中，而且都幾滑。叉燒就係一般叉燒啦～蛋撻仔好好味，個皮亦好鬆化，而且個蛋又會唔太甜。但係個叉燒酥就真係甜咗啲喇，雖則外皮鬆化但個餡真係甜到有啲怪。沙律蝦角同個炸雲吞，竟然唔係原隻蝦，係蝦膠？好在個蝦角入面都幾有汁，搶返好多分；而個雲吞亦炸得好好，一啲都唔油膩。飲茶必叫嘅蝦餃燒賣就好一般，我專登叫嚟試吓，水準真係一般蝦餃甩皮甩骨，冇得原隻啪落口；燒賣就算係咁啦，豬肉多過蝦都係正常嘅。反而珍珠雞、鴛鴦金錢肚、鳳爪、叉燒包都唔錯。美心嘅珍珠雞一向都係唔差，飯同餡嘅比例剛好，亦有淡淡的荷葉香。個金錢肚真係好冧，而且塾底嘅蘿
諗諗下，反正人又唔多，加上舅父又有揸車。於是一行人就入去西貢科技大學飲茶
去到爆多人，公主我拿拿聲去攞飛。等咗唔夠5分鐘，就到我張飛喇！可能細枱多人等，大枱反而無咩人等，所以好快就入得。一坐低就即刻叫嘢食。（話時話，最近公主我幾次出去食飯等位時，人係好多，但我等嘅時間又唔洗好耐，真係好彩！）
先來鳳爪排骨飯同叉燒腸。公主我冇食到個飯，但睇落相當唔錯。叉燒腸真係幾好味，腸粉皮厚度適中，而且都幾滑。叉燒就係一般叉燒啦～
蛋撻仔好好味，個皮亦好鬆化，而且個蛋又會唔太甜。但係個叉燒酥就真係甜咗啲喇，雖則外皮鬆化但個餡真係甜到有啲怪。
沙律蝦角同個炸雲吞，竟然唔係原隻蝦，係蝦膠？好在個蝦角入面都幾有汁，搶返好多分；而個雲吞亦炸得好好，一啲都唔油膩。
飲茶必叫嘅蝦餃燒賣就好一般，我專登叫嚟試吓，水準真係一般蝦餃甩皮甩骨，冇得原隻啪落口；燒賣就算係咁啦，豬肉多過蝦都係正常嘅。反而珍珠雞、鴛鴦金錢肚、鳳爪、叉燒包都唔錯。
美心嘅珍珠雞一向都係唔差，飯同餡嘅比例剛好，亦有淡淡的荷葉香。
個金錢肚真係好冧，而且塾底嘅蘿蔔亦都好入味又清甜，呢個有encore，大家都搶住食蘿蔔，正！
鳳爪都OK啦，最搞笑係佢塾底嘅係銀針粉。但銀針粉撈埋鳳爪汁嘅味，又估你唔到咁夾喎！
個叉燒包唔算大隻，但公主我最欣賞佢個餡，唔係紅到好似落咗蘇丹紅咁嘅樣係自然蠔油嘅深啡色，加上味道唔會太咸，已經贏晒。公主我平時甚少會主動去食叉燒包㗎！
一見有芋角，公主我立即嗌咗三碟，係三碟！公主我係芋角精嚟架，基本只要有芋角，我係無可能唔叫但係呢個芋角就麻麻哋喇，芋頭夠晒多但無肉。公主我個人覺得芋角個餡點都要有少少肉先好食，好在佢炸得唔油膩。而且可能未係當造啦，芋頭亦都唔夠香味。雖則係咁，但公主我最後都食咗兩隻，嘻嘻，算少啦。
公主我最怕食好甜嘅甜品，基本上公主我食甜品係一般女仔嘅一半甜度就夠喇。所以我覺得佢嘅甜品超甜！楊枝甘露嘅甘露超甜，柚子又無咩味！芒果布甸直頭甜到好似有朕藥水味芒果糯米卷個皮就幾煙靭，但係個餡又係好甜，得輕微吉士味無芒果味。係得個桂花糕真係有啲桂花嘅香味，又唔會太甜。所以公主我下次唔會再叫佢嘅甜品。
食飽飽，就埋單出去欣賞科大嘅無敵海景，然後一家老小返屋企，一日完美嘅Family Day就完結喇！
Post
