WM Café & Bar (科學園) (Moved) New Location

科學園人唔算多，但環境好悠閒，好適合放假過黎打發時間渡日神。《忌廉菠菜煙三文魚菠菜闊條麵》$68一開始見佢名有兩個菠菜字眼，以為係菠菜加用菠菜做既意粉🤣不過應該純粹打多左個菠菜字😂因為一上碟見到係普通闊條麵，但係無所謂，因為本身又唔貴。三文魚有少少腥味，麵好多碎，所以整體入口感覺有啲打折扣，好彩忌廉味出，菠菜都叫幾好。《巴馬火腿芝士薄餅》$80薄餅既餅底係薄脆型既餅乾底，而唔係一般連鎖店既軟熟麵團，兩者我都鍾意食，有唔同體驗，巴馬火腿質素唔錯，加埋芝士，火腿咸香，芝士香，配脆餅底，呢個薄餅我地都幾滿意，唔錯。整體而言，佢既性價比都高既。