Video
Read full review
2024-11-25
368 views
同大少出銅鑼灣行街影完相之後，就當然要搵個地方休息兼食嘢抖返下，最後我地就上左座大廈嘅樓上Café返下。Café雖然唔算大，但整體上環境闊落，有室內室外座位，梳化坐得好舒服，成個感覺都好Chill。Lunch Set嘅種類都多，有牛扒、豬鞍扒、意粉等選擇，而每個Set包括餐湯or沙律及飲品。我地叫左兩個Set，分就叫左一份餐湯及沙律。是日餐湯係南瓜湯，佢南瓜味都好香濃，而且入口順滑清甜，加埋塊香脆多士一齊食就真係唔錯。煙鴨胸雜菜沙律伴百里香香橙油醋汁，鮮橙配上煙鴨胸估唔到個味道係咁夾，再加埋個沙律醋汁同埋新鮮爽脆雜菜，入口酸酸甜甜，開胃清新又健康。餐飲我地升級左為特飲，先嚟大少嘅雜莓沙冰，估唔到佢地係咁大杯，有清香的雜莓香，而且甜度剛剛好，沙冰嘅口感而好綿密滑順，大少都話冇得頂勁鐘意。 我就嚟左杯 榛子鮮奶咖啡，榛子味好香好濃，加埋濃郁醇厚嘅咖啡同滑順嘅鮮奶，三者夾得好好，所以整杯口感十分好。大少嘅主食係燒澳洲穀飼肉眼扒伴烤新薯片、西蘭花苗及香蒜燒汁，牛扒選了七成熟，非常軟腍肉質很軟熟，易咀嚼，而且牛肉味道又夠香濃再埋個香蒜燒汁，很惹味。我就係烤加拿大豬鞍 伴肉桂甜薯蓉、西蘭花苗配芥末
Café雖然唔算大，但整體上環境闊落，有室內室外座位，梳化坐得好舒服，成個感覺都好Chill。
Lunch Set嘅種類都多，有牛扒、豬鞍扒、意粉等選擇，而每個Set包括餐湯or沙律及飲品。我地叫左兩個Set，分就叫左一份餐湯及沙律。
是日餐湯係南瓜湯，佢南瓜味都好香濃，而且入口順滑清甜，加埋塊香脆多士一齊食就真係唔錯。
煙鴨胸雜菜沙律伴百里香香橙油醋汁，鮮橙配上煙鴨胸估唔到個味道係咁夾，再加埋個沙律醋汁同埋新鮮爽脆雜菜，入口酸酸甜甜，開胃清新又健康。
餐飲我地升級左為特飲，先嚟大少嘅雜莓沙冰，估唔到佢地係咁大杯，有清香的雜莓香，而且甜度剛剛好，沙冰嘅口感而好綿密滑順，大少都話冇得頂勁鐘意。
我就嚟左杯 榛子鮮奶咖啡，榛子味好香好濃，加埋濃郁醇厚嘅咖啡同滑順嘅鮮奶，三者夾得好好，所以整杯口感十分好。
大少嘅主食係燒澳洲穀飼肉眼扒伴烤新薯片、西蘭花苗及香蒜燒汁，牛扒選了七成熟，非常軟腍肉質很軟熟，易咀嚼，而且牛肉味道又夠香濃再埋個香蒜燒汁，很惹味。
我就係烤加拿大豬鞍 伴肉桂甜薯蓉、西蘭花苗配芥末籽忌廉汁，豬鞍肉質厚實而且很有彈性，入口口感軟熟，沒有豬臊味得嚟仲好Juicy，食得大滿足！
Post
