Video
Read full review
2021-08-09
1643 views
7月尾約朋友去食午餐自助餐，因為好遲先book，只有出面門口位置有枱。 當日出面只有3-4枱客人，職員安排盡量分隔開，所以都算靜靜地，適合慢慢食慢慢傾計。食物種類都多，質素唔錯第一轉拎左生蠔、凍海鮮、pizza、沙律生蠔係即刻開嘅，都要排大約5分鐘，每次限取2隻。 細隻唔係好厚肉，新鮮有海水味，值得一試。凍海鮮有幾款，長蟹腳朋友食左，話好咸唔好食。 小龍蝦我都覺得唔係幾好食，唔似蝦/龍蝦，食落有啲似雞肉（？？）未試過嘅可以拎一隻試下先。 其他，青口同凍熟蝦都正常。Pizza有兩款，素食同普通的。試左素食pizza， 係薄脆餅底，幾香口唔錯。沙律菜就一般般，好似唔係太新鮮咁。但有款名叫熟火腿嘅（疑似薄切牛肉）幾好食，肉質軟熟粉紅有肉味。 仲有青木瓜沙律都好開胃，酸酸辣辣。另外有款泰式海鮮沙律都要試呀，有大量魷魚/墨魚（？傻傻分不清？），有蝦（唔洗自己剝殼），仲食到有蟹鉗肉，都幾新鮮惹味。甜品都食左4款，本身唔太中意食甜品，覺得焦糖燉蛋同梳乎里太甜，但佢係好熱啱啱整起嘅，中意食嘅都可以試下。而紅酒啤梨口感同味道都怪怪地。唯一覺得啱口味（但影唔到😂），係芒果拿破侖，細細件，香脆少甜，芒果肉唔
食物種類都多，質素唔錯
33 views
0 likes
0 comments
第一轉拎左生蠔、凍海鮮、pizza、沙律
生蠔係即刻開嘅，都要排大約5分鐘，每次限取2隻。 細隻唔係好厚肉，新鮮有海水味，值得一試。
凍海鮮有幾款，長蟹腳朋友食左，話好咸唔好食。 小龍蝦我都覺得唔係幾好食，唔似蝦/龍蝦，食落有啲似雞肉（？？）未試過嘅可以拎一隻試下先。 其他，青口同凍熟蝦都正常。
Pizza有兩款，素食同普通的。試左素食pizza， 係薄脆餅底，幾香口唔錯。
沙律菜就一般般，好似唔係太新鮮咁。但有款名叫熟火腿嘅（疑似薄切牛肉）幾好食，肉質軟熟粉紅有肉味。
30 views
0 likes
0 comments
仲有青木瓜沙律都好開胃，酸酸辣辣。另外有款泰式海鮮沙律都要試呀，有大量魷魚/墨魚（？傻傻分不清？），有蝦（唔洗自己剝殼），仲食到有蟹鉗肉，都幾新鮮惹味。
甜品都食左4款，本身唔太中意食甜品，覺得焦糖燉蛋同梳乎里太甜，但佢係好熱啱啱整起嘅，中意食嘅都可以試下。而紅酒啤梨口感同味道都怪怪地。唯一覺得啱口味（但影唔到😂），係芒果拿破侖，細細件，香脆少甜，芒果肉唔多但都又香又甜。 另外，仲有幾款榴槤甜品，芝士/朱古力蛋糕⋯都幾多選擇。
28 views
0 likes
0 comments
刺身就食左3款，一啲都唔孤寒，每款厚切比3-4件，都係新鮮夠凍。
熟食就唔太吸引啦，有幾款中菜同麵檔冇試，食左羊肉咖哩都還好，其他就⋯無謂浪費quota啦🤣🤣 飲品都有自助檸茶、咖啡，果汁就要加錢。有movenpick雪糕任食，但都已經飽到食唔落啦
餐廳有做優惠，訂座及預付300訂金有75折。 平日就抵食啲，原價378；星期六日就478。
總括而言，食物、環境都唔錯，值得推介。
Post
