Papa (Moved) New Location

今日試既係位於石門既哩間Papa！Papa係主打brunch既一間餐廳，入面採用比較清新風既裝修，採光良好，使用天然光令佢氣氛感覺好愜意。服務可能因為繁忙感覺上爭咁啲，張枱抹得唔係好乾淨。我就揀左個Papa Orange（88蚊）既沙律，就話有大蝦，雜果，雜菜同芒果醬汁既。雜果就包括左火龍果，藍莓，蜜瓜哈密瓜同士多啤梨既。水果份量幾足，芒果醬酸酸甜甜，幾能夠提升個沙律既味，啲蝦夠大隻。啲菜就如果冇落醬汁就會略嫌有啲乾，但加左就very good！個豬鞍飯（132蚊）就更好了。佢伴碟既翠玉瓜煎得好好食，牛油味十足。豬鞍好似用左碳燒，好香口既同時相當嫩，唔會話太熟太鞋。至於個醬汁就爭咁啲，唔算好出眾。咁跟住就係個burger（142蚊）喇，舊牛既牛味幾足，口感豐富，煙肉提升左整體既味道同口感。啲薯條有落松露鹽，出乎意料地好食，有點小surprise！跟住就係個朱古力蛋糕（跟餐28蚊）哩個蛋糕有啲甜得滯，太過死甜。朱古力味幾夠，但栗子味略嫌不足。整體還算ok，但如果下次黎唔會再嗌。總括而言，Papa哩間算係石門食brunch一間不錯既選擇，雖然有點小貴，但整體係不錯既。