YOLO Cafe & Bar (Closed)

原來呢到新開左間café and bar ，入面環境好靚，好打卡able!! 見到menu，原來仲有shisha，以後同朋友又多一個地方Chill 啦! 我地叫左個2人餐，都幾抵食，包湯，side dish ，main course 同埋野飲。雜菌忌廉湯好creamy，感覺都好足料。黑松露薯條超級香，薯條係粗薯，上台仲係熱辣辣，黑松露醬好濃郁! 香辣茄大蝦意大利飯都真係幾辣下，個蝦都幾大隻又彈牙。磨菇黑松露長通粉不過不失，份量都幾多，如果可以再濃D黑松露味就更加好啦!!本身黎到想食tiramisu，但去到已經賣曬啦T_T，但好在仲有Tiramisu croffle ， 個croffle少少脆，係面既Tiramisu cream 好smooth! 好好食，配落croffle到食岩岩好，唔會太甜，順帶一提影相都好靚!青檸梳打出到黎都好靚! 欣賞既地方係唔會有好多糖漿的味道，令到杯野好甜，呢到岩岩好!!