悠 (Closed)

「悠Leisure Cafe」開業數年，位置比較低調。小店座位數量有限，周未到訪過幾次都無位。今次也不例外，依舊要等位，大概輪候10-15分鐘。小店座位唔多，有防疫間隔座位後，幾闊落。店內有寄賣櫃擺放少量商品，另有綠色植物牆身點綴，環境舒適。🔸豐盛朝日$118全日早餐供應時段為10AM - 4PM。有三種唔同價錢，依款係中價位。食物份量豐富，賣相精緻。有黑松露炒滑蛋、香草腸、日本牛肉薯餅、挪威煙三文魚、香草包、茄汁豆、原隻大啡菇沙律。值得一提牛肉薯餅，炸到金黃色，薯香皮脆。免治牛肉同忌廉薯蓉打得好滑，外面比較少有。🔸泰式冬蔭公海鮮意粉 $88冬蔭公有酸辣香味，醬汁未夠濃厚，越食越辣。海鮮為墨魚仔、蜆肉較多、配少量蕃茄仔。以Cafe質量計等，尚算合格，有進步空間。🔸薰衣草鮮奶咖啡$42 / 🔸泡沫咖啡 $36兩杯咖啡都有拉花〜不過望左陣先睇得出係獨角獸同天鵝(?)哈哈飲品種類不少，揀左杯比較少見既薰衣草鮮奶咖啡淡淡花香味，味道唔會太人工，亦唔會太甜。唔錯！