CoCo Espresso

Open Now

Now Closed

雜莓/芒果雪芭沙冰～由於天氣太熱，所以同朋友都點咗沙冰，兩款沙冰都係用鮮果打成非常健康夠果味，甜既程度適中！既解渴有健康！（但見到隔離枱咖啡都非常吸引，下次一定要再嚟飲！）海膽扁闊意粉～扁意粉口感適中、蛋味香濃，每一條麵條都掛滿汁料，再配上鮮甜嘅海膽，簡直畫龍點睛！芝士牛肉漢堡配墨西哥脆片～漢堡即叫即做，非常新鮮！而且漢堡嘅包非常煙韌、有口感，並唔係一般行貨！另外，漢堡並非配一般嘅薯條，而係配墨西哥脆片+牛油果醬，的確別有一番風味！合桃及朱古力牛角窩夫～合桃非常香脆，配上幼滑嘅忌廉同雪糕及香脆牛角窩夫，層次分明，另外，香濃嘅朱古力味，令人回味無窮！