祥仔 (K11購物藝術館)

Open Now

Now Closed

同朋友係尖沙咀下午茶，知道呢間餐廳最近喺K11開咗分店，所以約朋友喺呢度食。呢度嘅裝修比荔枝角分店高級一啲，都幾配合K11呢個藝術商場，簡約風格，座位闊落，傾計吹水都唔錯。紐西蘭牛肉炒蛋福袋三文治配田園素菜沙律，三文治炸到好鬆脆，牛肉炒蛋份量都幾多，三文治只係裝住三份一嘅牛肉炒蛋，其餘三份二嘅炒蛋要淨食，如果有四片三文治就更加好，所有牛肉炒蛋都可以同三文治一齊食口感係最好。薑汁焦糖燉蛋有少少中西合璧嘅做法，薑汁味唔算濃，我鍾意重口味啲嘅薑汁，焦糖燉蛋有水準，份量亦比一般嘅甜品杯多一倍左右。拿鐵咖啡同港式奶茶都水準穩定。以呢個下午茶價錢你講都算抵食。