A La Umai (Closed)

間中都會食下 semi buffet lunch， 感覺不用食太多東西落肚 ， 罪惡感冇咁大，就選擇這間餐廳 ， 上網睇過食評 ， 講真，只當參考指數 。講到餐廳環境，其實不大 ， 大若可座不超過 20 人 ， 基本座位都可看到海景…… 夠開揚，行一層樓梯可上天台 ， 不過係下午關係，好熱好曬 。只有星期六先有 semi buffet lunch, 分 2 段時間 ， 由 11:30 至 4:00 pm , 我選擇 1:45 至 4:00pm ，人不算太多，傾計一流 。講番食物，前菜，湯，沙律，甜品任食 ， 種類不算好多，不過食物擺設都算精緻 ， 食物質素都 ok 合格 ， 湯有凍南瓜湯 及 熱磨菇湯 ， 兩種都有試，個人喜愛食熱野，所以較喜愛磨菇湯，味道係足夠，不過略為較少磨菇蓉。竟然有 parma ham, 都算係咁啦 。主菜分別叫了三文魚及帶子意大利飯 ， 三文魚份量都足夠 ， 味道偏淡一些，不過我個人喜歡偏淡 。 友人叫意大利飯，佢話味道不錯 ， 帶子 size 都幾大 。埋單平均每人 $223·5 ， 以環境及食物質素，都算合格啦。