新竹源越南餐廳 (Closed)

係某個星期六，本來放假，因為應承左要陪男朋友食午飯，所以返去灣仔找他一齊食lunch...見佢放工好累，都唔想落銅鑼灣尋食了，我一諗起就去呢間野食越南野。平時極少去呢間，因為永遠係排長龍，連個門口都望唔到個隻，今次難得無咩人咪去試下囉。原來個舖頭係勁細的，唔怪得d人等極都有啦。男朋友叫左個沙爹牛肉飯，我叫左個三絲撈檬。首先講個沙爹牛肉飯啦，個賣相無乜特別，個感覺有d似去大家樂食柱候飯咁，第一個印象唔太好，但食落又ok喎，首先d牛肉食極都有，還以為佢下面個d全是芽菜托底，原來有很多牛肉，d汁有d椰子味，但我比較好辣少少，如果可以多d辣會好d。到我個撈檬，一向食越南麵都會看看他們有咩撈檬，呢間都算多款o既，熱熱地天氣，食酸野至醒胃。其實都包無走雞，都好難會唔好味，除非d配搭唔o岩自己。三絲有雞絲、扎肉絲和蛋絲，上台時個碗都好嚇人，因為都幾大碗，2個女仔可以share，悶熱天氣至o岩食呢款！價錢方面，我覺得都唔係平o架，$3x-$4x，對於打工仔來講，lunch算貴了。