Video
Read full review
2021-11-19
8573 views
好朋友生日當然要好好慶祝一番~ 原本想book tea但PANO個電話長期都唔通而且online booking system又唔見有afternoon tea嘅timeslots，見lunch menu都唔錯就去試試啦~餐廳安排左近落地大玻璃嘅位置比我地，座擁一覽無際嘅維港景色，又有自然光微微透入，令人心情超靚。Design同setting都好classy，悠閒咁嘆個lunch真係好正~揀左3 courses lunch (appetizer, soup/salad, main course)，比起lunch menu嘅是日甜品拿破崙，我地覺得a la carte嘅Smoked Chocolate Lava Tart 更吸引，所以決定另外order dessert。先嚟法包同芝士脆片。Appetizer嘅Red Prawn Carpaccio with prawn oil 嘅 presentation好吸睛，成幅畫咁。紅蝦薄薄一片片，伴上三文魚籽同超的骰嘅蕃茄波波，鮮味十足。另一款appetizer揀左French Oyster with cucumber dill jus，繼的骰蕃
餐廳安排左近落地大玻璃嘅位置比我地，座擁一覽無際嘅維港景色，又有自然光微微透入，令人心情超靚。Design同setting都好classy，悠閒咁嘆個lunch真係好正~
揀左3 courses lunch (appetizer, soup/salad, main course)，比起lunch menu嘅是日甜品拿破崙，我地覺得a la carte嘅Smoked Chocolate Lava Tart 更吸引，所以決定另外order dessert。
先嚟法包同芝士脆片。
法包、芝士脆片
321 views
1 likes
0 comments
Appetizer嘅Red Prawn Carpaccio with prawn oil 嘅 presentation好吸睛，成幅畫咁。紅蝦薄薄一片片，伴上三文魚籽同超的骰嘅蕃茄波波，鮮味十足。
Red Prawn Carpaccio with prawn oil
254 views
0 likes
0 comments
另一款appetizer揀左French Oyster with cucumber dill jus，繼的骰蕃茄波波後又有青瓜波波，青瓜醬十分出，非常特別但略嫌有點蓋過生蠔本生嘅味道。
French Oyster with cucumber dill jus
189 views
0 likes
0 comments
Soup/salad都揀左Slow Cooked Scallop with grilled asparagus，帶子非常軟滑新鮮，係出色嘅~
Slow Cooked Scallop with grilled asparagus
158 views
0 likes
0 comments
主菜嘅Slow Cocked French Chicken Leg Roll with prawn ravioli 份量唔多但好特別好有驚喜，雞卷外皮超crispy，咬落啖啖肉好過癮，而蝦肉小雲吞都好有咬勁，唔錯唔錯。
Slow Cocked French Chicken Leg Roll with prawn ravioli
186 views
0 likes
0 comments
Slow Cooked Salmon with pernod sauce嘅三文魚處理得好好，好嫩滑，味道屬正常發揮。
Slow Cooked Salmon with pernod sauce
146 views
0 likes
0 comments
Smoked Chocolate Lava Tart 端上嘅時候有煙幕效果，仲幫忙準備左生日牌，非常貼心。一切開流心朱古力就慢慢出嚟，甜度適中，仲配vanilla ice cream超滿足!
Smoked Chocolate Lava Tart
$148
121 views
1 likes
0 comments
整個experience係視覺同味覺嘅享受，擺盤用心，侍應生係上每一款菜式前都細心同客人介紹，service同態度好，同好朋友度過左愉快嘅一個下午，誠意推介~
(P.S. 有關book afternoon tea嘅疑惑，餐廳話afternoon tea只係周末提供，要經電話預約同十二月booking已full … 出年2022年一月booking要等十二月先entertain。但其實我試過keep住連續幾日係餐廳12:00一開門同分唔同時段打佢個電話都auto telephone message同refer link 比我make online reservation ，但online reservation 完全冇tea time嘅時間，但餐廳堅持話係有電話先打唔通，睇嚟要試到佢個tea 係mission impossible…)
Post
