Video
Read full review
2023-03-19
236 views
今日同朋友黎呢間Cafe and bar享用晚餐，餐廳位置非常方便，係地鐵站一出就已經見到，真係行一分鐘就到。餐廳行叢林風格，有室內同室外area，室內係型格風，室外係悠閒風，好似一個私人後花園咁，想像到如果假日既晏就坐係室外花園area，感覺會好悠閒，可惜我地到既時間室外比人坐哂，就坐左室內。Menu都係黑色型格風，我地揀既食物都係有圖既😂揀左Jagge特色火焰德國咸豬手、JAGGER 小食拼盤，同埋軟殼蟹南瓜意大利飯 。Jagge特色火焰德國咸豬手 （$198)呢個真係既好食，又打able，但製作時間需要20-30分鐘，所以要早啲落單先得。店員提醒我地打卡機會只有一次，所以會等我地手機全部準備好哂先點火，真係燒到火光熊熊👍打完卡係度諗點樣切呢舊大豬手，由邊度落手切時，店員話廚師可以幫我地切，實在太體貼。比火燒過既豬手外皮非常焦脆可口，未食過咸豬手外皮咁卜卜脆，而肉身一啲都唔老唔柴，肉質幾柔軟，配左茄汁同芥末醬可以點，但其實佢本身調味都已經好夠味好入味。JAGGER 小食拼盤（$158)呢度既小食拼盤最好既地方在於可以自己揀，平時啲餐廳既小食拼盤好多時都set定左小食既種類，每次總有
餐廳行叢林風格，有室內同室外area，室內係型格風，室外係悠閒風，好似一個私人後花園咁，想像到如果假日既晏就坐係室外花園area，感覺會好悠閒，可惜我地到既時間室外比人坐哂，就坐左室內。
Menu都係黑色型格風，我地揀既食物都係有圖既😂揀左Jagge特色火焰德國咸豬手、JAGGER 小食拼盤，同埋軟殼蟹南瓜意大利飯 。
Jagge特色火焰德國咸豬手 （$198)
呢個真係既好食，又打able，但製作時間需要20-30分鐘，所以要早啲落單先得。
店員提醒我地打卡機會只有一次，所以會等我地手機全部準備好哂先點火，真係燒到火光熊熊👍
打完卡係度諗點樣切呢舊大豬手，由邊度落手切時，店員話廚師可以幫我地切，實在太體貼。
比火燒過既豬手外皮非常焦脆可口，未食過咸豬手外皮咁卜卜脆，而肉身一啲都唔老唔柴，肉質幾柔軟，配左茄汁同芥末醬可以點，但其實佢本身調味都已經好夠味好入味。
JAGGER 小食拼盤（$158)
呢度既小食拼盤最好既地方在於可以自己揀，平時啲餐廳既小食拼盤好多時都set定左小食既種類，每次總有一樣係我麻麻地既，今次全部可以自己自由選擇四樣。
我地就揀左芝士棒、芝麻雞翼、吉列炸生蠔，同埋炸薯格。每款有三樣，薯格就有七八塊。
軟殼蟹南瓜意大利飯 （$148)
南瓜味幾濃郁幾清甜，軟殼蟹都幾大隻，外殼香脆，裡面既肉都幾juicy。
Post
