諾亞半熟蛋糕專門店 (Closed)

難得早放工，響尖咀食完飯都仲好早，決定買個甜品返屋企同家人分享下！家人未食過半熟蛋糕，唔知接受程度有幾多，所以選左大家都喜歡嘅士多啤梨！望落已經夠哂sweet!一打開，大大粒士多啤梨鋪滿面，外表已經好sweet! 食落好香甜，果肉飽滿又多汁，旁邊有層士多啤梨jelly, 唔太甜，令整個蛋糕減低飽滯感。蛋糕係芝士蛋糕，芝味好濃，由於半熟關係，質感有小小似mousse, 好滑！不過提醒唔好一下食太多，雖然好味，但始終芝士蛋糕黎，一下子食太多會好滯。另外天氣咁熱，見雪櫃有野飲賣，就揀左支唔係度度有得賣嘅蜂蜜惹米水。一飲落口小小甜好清涼！超解渴！簡直係消暑嘅極品！飲完熱氣怒氣全消！成個人gur哂！又唔會擔心糖分多過肥！個杯係電燈膽造型好吸晴杯底好多惹米，真材實料！個職員仲全程好好禮貌仲保持住好sweet嘅笑容！讚！下次經過會再黎買㗎！希望呢度會繼續多d新產品啦！