Deli and Wine (Closed)

情人節——每對情侶都要絞盡腦汁諗下去邊到食飯慶祝，但當然，好易就變左做「水魚」，因為餐廳收既價格一定比平時貴好多，有見及此，同女朋友商量好今年唔去啲貴價餐廳食，而去食一間對我地黎講好有意思既餐廳，係一間美心𣄃下既快餐店！我地暖昧時期既回憶餐廳，不過係一間經過包裝、望落好似高級少少既快餐店。餐廳內外餐廳好大，同埋佢既風格設計一啲都唔似快餐店，幾有Café既感覺，仲有一個大既開放式廚房，座位與座位之間都好闊絡，坐得好舒服，以快餐店黎講絕對有西餐廳既feel。食物選擇選擇唔多，會係快餐店見到既食物種類，但價錢就由$58-69不等，以中環地段再加上環境，我覺得唔係平，但尚可以接受。黑松露大蝦意粉 $69用上天使麵，面頭仲有大量蒜蓉同香草，蝦有4-5隻，SIZE適中唔算好大隻，但都叫彈牙，而黑松露夠撈哂成碟意粉，食落就蒜蓉香較重，意粉乾濕度亦適中，會一啖接一啖。忌廉芝士汁焗海鮮飯 $69好大份，有青口、炸魚柳、蘑茹、蝦等等，好足料，而芝士忌廉汁都舖哂係面，都焗至微焦，裡面就一定要炒飯底。海鮮正正常常冇咩特別，係炸魚柳已經比忌廉汁整稔哂，冇乜咬口，而炒飯底都算乾身，但味道唔夠，整體中規中矩，勝在夠