生生餐廳

Open Now

Now Closed

情人節到到都迫人，好開心嚟到呢間咁空曠又唔洗等嘅餐廳，最重要係食物有一定質素，擺盤亦好精緻！為慶祝情人節，員工仲鋪花瓣係枱面，幾有心思。情人節套餐其實幾抵食，前菜好精彩！第一次飲忌廉蠔湯，好有蠔味，回味無窮，一定會再試！好鐘意牛油果同龍蝦嘅配搭！不錯！主菜不過不失。出面係酥皮，個人比較喜歡簡單地煎香嘅牛扒。大蝦炸得出色，但意粉太乾身！用心的廚師甜點。已經食唔落啦，勞煩男主角幫幫手。今晚所有生果都好新鮮！讚！另外，有兩杯紅洒。如果可以揀其他野飲就好啦。食物質素講完，要提提服務。基本服務是有的，如想更進一步，就有好多進步空間。例如，上左個包，叫我地跟湯食，等到個包凍哂，碗湯都未見影。我個主菜食完，男主角個主菜都未出現。諸如此類的事，絕不會發生在外面的西餐廳。請繼續努力控制上菜時間！