花板壽司 (Closed)

情人節收工後，夜晚八點約左男朋友係銅鑼灣食飯，我地唸住食壽司，但板前多人到爆，於是行左陣，見到統統對面有間壽司店，係冇Booking 既情況下去呢間壽司店。等左二十分鐘終於有位，入到去個場覺得好細，呢間壽司店佢地啲員工話新開，所以冇餐牌...咁謂有點紙囉...啲野食都唔係等左好耐就有，除左個鵝肝同特上海鰻比較慢啲，我叫左個女仔幫我跟，好快就有啦! 好開心，因為我最鍾意食鵝肝壽司，個女仔好好人家，佢見到我男朋友送花比我，驚我坐迴轉唔夠位放花，好helpful 地幫我keep 起啲花，差唔多食完既時候，我叫埋單，仲幫問我有冇野未來，最欣賞既一樣野係，我男朋友係用信用卡埋單，佢過到來同我男朋友講"兩位多謝哂，黃先生請簽名"。竟然有咁細心既人，我食咁耐野都係第一次遇到，事後問呢個女仔叫咩名，佢以為我想投訴，而家答你答覆你公司唔係呀，我想讚你地呢位員工--亞塋。咋日情人節，呢間野既食物水準拍得住板前，價錢亦唔算太高，呢個係估唔到，日後我都會再來。